فاهيتا الجمبري

الجمبري من الأكلات المفضلة لكتير من الناس و بيتاكل بطرق كتيرة و مختلفة، و ممكن كمان لو بتحبي الخضروات و خصوصا الفلفل، تعملي فاهيتا بالجمبري و تكوني جمعتي الإتنين في طبق واحد.

و تقدري تقدمي مع الطبق ده بطاطس محمرة أو أرز أو مكرونة على حسب كل واحد بيفضل إيه أكتر.

المقادير:

٢ كوب جمبري مقشر متوسط الحجم

١ معلقة كبيرة عصير ليمون

١ معلقة كبيرة زيت زيتون

١ ثمرة بصل مقطعة شرائح

٢ ثمرة فلفل ألوان مقطعة

ملح وفلفل أسود وكمون (حسب الرغبة)

١ ملعقة صغيرة شطة (حسب الرغبة)

طريقة التحضير:

1- على النار، حطي معلقة زيت زيتون لغاية أما يسخن.

2- زودي الفلفل الملون و البصل في صينية و قلبيهم لـ5 دقايق.

3- شيلي الخليط السابق من الصينية و بباقي الزيت زودي الجمبري لغاية أما لونه يبقى ذهبي.

4- بعد كده، حطي الفلفل الملون و البصل على الجمبري للمرة التانية.

5- زودي الملح و الفلفل و الكمون في الصينية.

6- و كده تكون جهزت الفاهيتا بالجمبري و تقدميها مع أرز أو بطاطس أو مكرونة.